మ్యాడ్ స్క్వేర్ : అమ్మింది 21 కోట్లు.. ఇప్పటివరకు వచ్చింది ఎంతో తెలుసా..?

మంచి అంచనాల నడుమ మార్చి 28 వ తేదీన మ్యాడ్ స్క్వేర్ అనే మూవీథియేటర్లలో విడుదల అయిన విషయం మన అందరికీ తెలిసిందే. ఈ మూవీదాదాపు రెండు సంవత్సరాల క్రితం విడుదల అయ్యి మంచి విజయం సాధించిన మ్యాడ్ మూవీకి కొనసాగింపుగా రూపొందడంతో ఈ మూవీపై మొదటి నుండి ప్రేక్షకుల మంచి అంచనాలు పెట్టుకున్నారు. ఆ అంచనాలకు తగినట్లుగానే ఈ సినిమాకు మంచి టాక్ వచ్చింది. దానితో ఈ మూవీకి ఇప్పటికే అద్భుతమైన కలెక్షన్లు వచ్చాయి. ఇప్పటి వరకు ఈ సినిమాకు సంబంధించిన 11 రోజుల బాక్సా ఫీస్ రన్ కంప్లీట్ అయింది. ఈ 11 రోజుల్లో ఈ సినిమాకు వచ్చిన కలెక్షన్ల వివరాలను తెలుసుకుందాం.

11 రోజుల్లో ఈ సినిమాకు నైజాం ఏరియాలో 12.64 కోట్ల కలెక్షన్లు దక్కగా , సీడెడ్ ఏరియాలో 3.73 కోట్లు , ఉత్తరాంధ్రలో  3.59 కోట్లు , ఈస్ట్ లో 2.17 కోట్లు , వెస్ట్ లో 1.16 కోట్లు , గుంటూరు లో 2.01 కోట్లు , కృష్ణలో 1.69 కోట్లు , నెల్లూరు లో 99 లక్షల కలెక్షన్లు దక్కాయి. మొత్తంగా 11 రోజుల్లో ఈ మూవీకి రెండు తెలుగు రాష్ట్రాల్లో కలిపి 27.98 కోట్ల షేర్ ... 47 కోట్ల గ్రాస్ కలెక్షన్లు దక్కాయి. ఇక 11 రోజుల్లో ఈ మూవీకి కర్ణాటక మరియు రెస్ట్ ఆఫ్ ఇండియాలో కలుపుకొని 2.05 కోట్ల కలెక్షన్లు దక్కగా , ఓవర్సీస్ లో 6 కోట్ల కలెక్షన్లు దక్కాయి. 11 రోజుల్లో ఈ మూవీకి ప్రపంచ వ్యాప్తంగా 36.03 కోట్ల షేర్ ... 64.60 కోట్ల గ్రాస్ కలెక్షన్లు దక్కాయి. ఈ మూవీకి వరల్డ్ వైడ్ గా 21 కోట్ల ప్రీ రిలీజ్ బిజినెస్ జరిగింది. ఈ మూవీ 22 కోట్ల టార్గెట్ తో బరిలోకి దిగింది. ఈ సినిమాఇప్పటికే బ్రేక్ ఈవెన్ ఫార్ములాను కంప్లీట్ చేసుకుని 14.03 కోట్ల లాభాలను కూడా అందుకని హిట్ గా నిలిచింది.
]]>