ఎమ్ సీ ఏ ఫేమ్ వేణు శ్రీరామ్దర్శకత్వంలో బాలీవుడ్లో విజయం సాధించిన పింక్రీమేక్ని తెలుగులో వకీల్ సాబ్ అనే పేరుతో తెరకెక్కిస్తున్నారు. దాదాపుగా ఈ చిత్ర షూటింగ్ చివరి దశకు వచ్చేసింది. అటు వకీల్ సాబ్ చిత్రీకరణలో పాల్గొంటూనేక్రిష్సినిమాలో కూడా చేస్తున్నాడు. ఈ రెండు చిత్రాలు ఒకేసారి తెరకెక్కుతున్నాయి. క్రిష్ దర్శకత్వం వహిస్తున్న సినిమాలో పవన్బందిపోటు దొంగగా కనిపిస్తున్నాడు.
అయితే ఈ రెండు చిత్రాలకి అభిమానుల నుండి ఎలాంటి రిక్వెస్టులు రాలేదు. కానీ పవన్కళ్యాణ్ఒప్పుకున్న మూడవ చిత్రం గురించి అభిమానులు ఆశగా ఎదురుచూస్తున్నారు. ఎందుకంటే ఆ చిత్రాన్ని దర్శకత్వం వహిస్తుంది గబ్బర్ సింగ్డైరెక్ట్ చేసిన హరీష్ శంకర్కాబట్టి. అప్పటి వరకు వరుసగా ఫ్లాపులే చూసిన అభిమానులకి ఒక్కసారిగా హిట్ అంటే ఎలా ఉంటుందో చూపించాడు హరీష్.
అభిమానులు ఏ విధంగా తమ హీరోని చూడాలని అనుకుంటున్నారో ఆ విధంగా చూపించి శభాష్ అనిపించుకున్నాడు. స్వతాహాగా హరీష్ కూడా పవన్అభిమాని కాబట్టి ఇది సాధ్యమై ఉండవచ్చు. ఇప్పుడు మళ్లీ పవన్ని డైరక్ట్ చేయబోతుండడంతో అభిమానులు ఒక్కటే కోరుకుంటున్నారు. గబ్బర్ సింగ్ని చూసి మేమెలా ఫీల్ అయ్యామో మళ్లీ అలాంటి పాత్ర కావాలి అని సోషల్ మీడియాలో పోస్టులు పెడుతున్నారు.
]]>