ఈ టైంలో బంజారాహిల్స్ లో ఒక వింత సంఘటన చోటు చేసుకుంది. అదేమిటంటే ఓ యువతి హడావుడిగా బంజారా హిల్స్ పోలీస్ స్టేషన్కి వచ్చింది. లాక్ డౌన్ కారణంగా తన బాయ్ ఫ్రెండ్ ని చూడలేకపోతున్నాను అని తన దగ్గరికి నన్ను పంపించడానికి అనుమతి ఇవ్వాలని పోలీసులను కోరింది. ఆ కోరిక విని పోలీసులంతా షాక్ అయ్యారు. ఇంత లాక్ డౌన్ వేళ ఇదేం కోరిక అని ముక్కున వేలేసుకున్నారు. తనను వెళ్లనిచ్చేదాకి పోలీస్ స్టేషన్వదలనని స్టేషన్ లో భైటాయించింది. అయితే ఆమె ప్రేమిస్తున్న యువకుడు అంబర్ పేటకు చెందిన వాడు.
గతంలోనే యువతి ఇంటికి వచ్చిన టైములో స్థానికులు మరియు తల్లిదండ్రులు...సదరు యువకుడిని అదుపులోకి తీసుకుని హెచ్చరించడం జరిగింది. అంతేకాకుండా పోలీసులకు కంప్లైంట్ కూడా ఇవ్వటం జరిగింది. అయితే యువతి కోరిక మేరకు పోలీసులు యువకుడిని పిలిపించగా.. యువతి మీద తనకు ఎలాంటి ప్రేమలేదని.. అది చెప్పడానికే వచ్చానని తెలిపి కేసు నుంచి తప్పించుకున్నాడు. దీంతో ఈ తతంగం మొత్తం ఇప్పుడు సోషల్ మీడియాలో రావడంతో చాలా మంది నెటిజన్లు వీళ్ళ ఓవర్ యాక్షన్ కరోనాకంటే ఎక్కువ చిరాకు తెప్పిస్తోంది అంటూ కామెంట్ చేస్తున్నారు.