అయితే దీనివలన అట్టడుగు వర్గాల వారికి మాత్రం తీవ్ర సమస్యలు ఎదురవుతున్నాయి. ముఖ్యంగా పనులు లేకపోవడంతో, కొందరు నిరుపేదలకు అయితే కనీసం తినడానికి తిండి కూడా లేని పరిస్థితులు తలెత్తాయి. అయితే ఆ విషయం గ్రహించిన మన ప్రభుత్వాలు అటువంటి వారికి రేషన్ తో పాటు కొంత ఆర్ధిక సాయాన్ని ప్రకటించినప్పటికీ, మేము కూడా అటువంటి వారికి సాయం చేస్తాం అంటూ పలు రంగాలకు చెందిన ప్రముఖులు తమ దయా గుణంతో ముందుకు వస్తూ విరివిగా విరాళాలు అందచేస్తున్నరు. ఇక ఎప్పుడూ కూడా ఇటువంటి కష్ట సమయంలో ప్రజలకు మేము తోడుగా ఉంటాం అని ముందుకు వచ్చే సినిమాపరిశ్రమనుండి కూడా చాలామంది విరాళాలు అందించడం జరిగింది.
ఇప్పటికే ఎందరో సినిమాప్రముఖులు తమ శక్తికొలది విరాళాలు అందివ్వగా, నేడు సూపర్ స్టార్మహేష్బాబు అక్క, బావలైన గల్లా పద్మావతి, జయదేవ్ లు తమ అమర్రాజాఎంటర్టైన్మెంట్స్ ప్రైవేట్ లిమిటెడ్ సంస్థ తరపున రూ.10 లక్షల విరాళాన్ని ప్రకటించడం జరిగింది. తొలిసారిగా తమ తనయుడుగల్లా అశోక్ని వారు ఈ సంస్థ ద్వారా హీరోగా లాంచ్ చేస్తున్న విషయం తెలిసిందే. ఇటువంటి కష్ట సమయంలో మా వంతుగా ప్రజలకు సాయం అందించాలని ఈ మొత్తాన్ని కరోనావిపత్తు నిధికి అందిస్తున్నట్లు తెలిపారు జయదేవ్......!!
]]>