తాజాగా ఒకప్పుడు బుల్లితెరపై సెన్సేషన్ సృష్టించిన రామాయణం మళ్లీ ప్రసారం అవుతున్న విషయం తెలిసిందే. ప్రస్తుతం రామానంద్‌సాగర్, బిఆర్ చోప్రా దర్శకత్వంలో వచ్చిన రామాయణ్‌, మహాభారత్ సీరియళ్లకు భారీ ఆదరణ లభిస్తోంది. దూరదర్శన్‌లో ప్రసారమవుతున్న ఈ సీరియల్స్ మొదటి నాలుగు ఎపిసోడ్‌లకు 170 మిలియన్ వ్యూస్ వచ్చినట్లు బార్క్ ఇండియాతెలిపింది. ప్రస్తుతం దేశ వ్యాప్తంగా లాక్ డౌన్ చేసిన విషయం తెలిసిందే. ఈ నేపథ్యంలో ఆదివారం ప్రసారమైన ఒక్క ఎపిసోడ్‌కే 5కోట్ల వ్యూయర్‌షిప్ నమోదైంది. దీంతో డీడీ ఛానల్ వ్యూయర్‌షిప్ అమాంతం పెరిగింది.
దీంతో డీడీ ఛానల్‌కి మునుపెన్నడూ లేనంతగా 650 శాతం లాభాల్లో దూసుకుపోయింది. తాజాగా ఈ విషయం పై సీఈవో శశి శేఖర్మాట్లాడుతూ.. నిజంగా ఇదో గొప్ప శుభసూచికం.. భారతీయులు ఇప్పటికీ ఇంత గొప్ప సీరియల్స్ ని ఆదరించడం నిజంగా గర్వించదగ్గ విషయం అన్నారు. మీ అందరి మద్దతుకు కృతఙ్ఞతలు. ఇంట్లోనే ఉండండి. సురక్షితంగా ఉండండి "అంటూ సోషల్ మాద్యమంలో పోస్ట్ చేశారు. మార్చి 28న రీ టెలికాస్ట్ అయిన ఈ సీరియల్స్..పాత రికార్డులను బద్దలుకొడుతూ కొత్త రికార్డులను సెట్‌చేసింది.
]]>